دنياك .. عندك فاكره وتدري بخبرها
ما تخلي الوضع زين.. اخلص منها بحسين
عندك فاكرة وتدري بخبرها
🍁🍁🍁🍁🍁🍁🍁🍁
شكثر رب البشر كوّن بشر لمّن خلق ادم
روح من اول العالم ابحث لآخر العالم
شوف هاي الدنيه تلگه بيها واحد ما تشائم
لو تلكه واحد مطمئن
ومتنعم ومو متحن
حتى الفرح بيها حزن
وحتى حفل الونسة ماتم
الافلاك ..لو ساعة بعكس گامت تفرها
وين تصير القصور.. احذر نفخة الصور
عندك فاكرة وتدري بخبرها
🍁🍁🍁🍁🍁🍁🍁🍁
الدنيه مهما ردت بيها تصير ليك الناس تبحر
تصير متواضع بسيط تگوم بيك الناس تفخر
تنعدل گالو ثقيل تصير مصدر كالو اغتر
تتردى گالو مو حسن
ولاله جمال ولا وزن
تتحسن تظل ممتحن
ووجهه گالو گام يزهر
يمناك .. تمدها تفشل وتالي تجرها
تتعفس يگولون .. بالماليه مشحون
عندك فاكره وتدري بخبرها
🍁🍁🍁🍁🍁🍁🍁
تصير زاهد بيك گالو منقصه ومابيه افادة
تصير عابد چذب گالو حيله كل هاي العبادة
الدنيه هاي وهاي حالة مجتمعها وانتقادة
مادامها بهذا الوضع
شترجه بعد بيها نفع
شدعوات بيها تنخدع
ومنها تتأمل سعادة
عيناك ..فكها واحذر الدنيه وخطرها
لوبالخير اجت ليك .. بالشر تگلب عليك
عندك فاكرة وتدري بخبرها
🍁🍁🍁🍁🍁🍁🍁🍁
الدنية راعيها يوفه علي وعنه ينطي نظره
مثل فد واحد معلگ بالحبل والبير حدره
واسد فوگه وحدره افاعي والنحل يدوي بكتره
والعثة تكرض بالحبل
وهو تشوفه بهالشكل
بالعسل فكره منشغل
يطلع منشرح صدره
ملاك مشغوف بهوى الدنيه وسحرها
يعرف تالي شيصير.. عاقبته اعله هالبير
عندك فاكرة وتدري بخبرها
🍁🍁🍁🍁🍁🍁🍁🍁
لو شخص ميتين عام يعيش هذا الشخص تالي
تشوف نص العمر يندار ويروح ويه الليالي
ومنه ثلثين بمتاعب ينگضي وعالم خيالي
وينگضي الباقي من العمر
بأسقام والشيب بعسر
ومن عگب كل هذا الكبر
يصدر أمر الانتقالي
وهناك.. عاد تصور البلوه شكبرها
لو گالو بالحساب .. احجي شگاسر رگاب
عندك فاكرة وتدري بخبرها
🍁🍁🍁🍁🍁🍁🍁🍁
تريد من الدنيه تنجه تريد من الخطر تسلم
انه ادليك اعله واحد بالنوايب بيك يهتم
هذا ابو اليمه الحسين اعتصم بيه ودوم الزم
لا تخدعك اراء وفكر
چم واحد بهذا البشر
شاف الافاعي بالنظر
وبس وصل يمها تسمم
انهيناك.. چم نوبه من الافكار وضررها
وين انته رحت وين .. ضيعت المشيتين
عندك فاكرة وتدري بخبرها
🍁🍁🍁🍁🍁🍁🍁🍁
انوب خل نحجي المصيبة ونذكر اليوم الرزيه
وننظر بيا حال زينب اجت لارض الغاضرية
المن توجه عتبها والمن تقدم شچيه
اخوتها كلها اعله الثرى
بييض المواضي موذره
ظلت الحرة محيرة
تعتب اعله حسين اخوها
وتعتني لبدر الهواشم
يا اخو المنهم تگصده تشاهدة اعله الارض نايم
تالي عاد الحرة گالت واجت وياها الفواطم
وراحن لحماي الضعن
واعله الجسم كلهن هون
وجهت زينب عتبها والگلب من عدها غايب
گالت اخي ابا الفضل انت الذي اخرجتني من داري فقم الان انا اختك زينب
مر ضعنه
الدهر ثدي المصايب مرضعنه
وعله چتول الضغايم مرضعنه
شگول بحگ كفيلي مرضعنه
اخوي وياه ظل عتاب اليه
____________________________
الشاعر:-هادي القصاب النجفي
___________________________
ما تخلي الوضع زين.. اخلص منها بحسين
عندك فاكرة وتدري بخبرها
🍁🍁🍁🍁🍁🍁🍁🍁
شكثر رب البشر كوّن بشر لمّن خلق ادم
روح من اول العالم ابحث لآخر العالم
شوف هاي الدنيه تلگه بيها واحد ما تشائم
لو تلكه واحد مطمئن
ومتنعم ومو متحن
حتى الفرح بيها حزن
وحتى حفل الونسة ماتم
الافلاك ..لو ساعة بعكس گامت تفرها
وين تصير القصور.. احذر نفخة الصور
عندك فاكرة وتدري بخبرها
🍁🍁🍁🍁🍁🍁🍁🍁
الدنيه مهما ردت بيها تصير ليك الناس تبحر
تصير متواضع بسيط تگوم بيك الناس تفخر
تنعدل گالو ثقيل تصير مصدر كالو اغتر
تتردى گالو مو حسن
ولاله جمال ولا وزن
تتحسن تظل ممتحن
ووجهه گالو گام يزهر
يمناك .. تمدها تفشل وتالي تجرها
تتعفس يگولون .. بالماليه مشحون
عندك فاكره وتدري بخبرها
🍁🍁🍁🍁🍁🍁🍁
تصير زاهد بيك گالو منقصه ومابيه افادة
تصير عابد چذب گالو حيله كل هاي العبادة
الدنيه هاي وهاي حالة مجتمعها وانتقادة
مادامها بهذا الوضع
شترجه بعد بيها نفع
شدعوات بيها تنخدع
ومنها تتأمل سعادة
عيناك ..فكها واحذر الدنيه وخطرها
لوبالخير اجت ليك .. بالشر تگلب عليك
عندك فاكرة وتدري بخبرها
🍁🍁🍁🍁🍁🍁🍁🍁
الدنية راعيها يوفه علي وعنه ينطي نظره
مثل فد واحد معلگ بالحبل والبير حدره
واسد فوگه وحدره افاعي والنحل يدوي بكتره
والعثة تكرض بالحبل
وهو تشوفه بهالشكل
بالعسل فكره منشغل
يطلع منشرح صدره
ملاك مشغوف بهوى الدنيه وسحرها
يعرف تالي شيصير.. عاقبته اعله هالبير
عندك فاكرة وتدري بخبرها
🍁🍁🍁🍁🍁🍁🍁🍁
لو شخص ميتين عام يعيش هذا الشخص تالي
تشوف نص العمر يندار ويروح ويه الليالي
ومنه ثلثين بمتاعب ينگضي وعالم خيالي
وينگضي الباقي من العمر
بأسقام والشيب بعسر
ومن عگب كل هذا الكبر
يصدر أمر الانتقالي
وهناك.. عاد تصور البلوه شكبرها
لو گالو بالحساب .. احجي شگاسر رگاب
عندك فاكرة وتدري بخبرها
🍁🍁🍁🍁🍁🍁🍁🍁
تريد من الدنيه تنجه تريد من الخطر تسلم
انه ادليك اعله واحد بالنوايب بيك يهتم
هذا ابو اليمه الحسين اعتصم بيه ودوم الزم
لا تخدعك اراء وفكر
چم واحد بهذا البشر
شاف الافاعي بالنظر
وبس وصل يمها تسمم
انهيناك.. چم نوبه من الافكار وضررها
وين انته رحت وين .. ضيعت المشيتين
عندك فاكرة وتدري بخبرها
🍁🍁🍁🍁🍁🍁🍁🍁
انوب خل نحجي المصيبة ونذكر اليوم الرزيه
وننظر بيا حال زينب اجت لارض الغاضرية
المن توجه عتبها والمن تقدم شچيه
اخوتها كلها اعله الثرى
بييض المواضي موذره
ظلت الحرة محيرة
تعتب اعله حسين اخوها
وتعتني لبدر الهواشم
يا اخو المنهم تگصده تشاهدة اعله الارض نايم
تالي عاد الحرة گالت واجت وياها الفواطم
وراحن لحماي الضعن
واعله الجسم كلهن هون
وجهت زينب عتبها والگلب من عدها غايب
گالت اخي ابا الفضل انت الذي اخرجتني من داري فقم الان انا اختك زينب
مر ضعنه
الدهر ثدي المصايب مرضعنه
وعله چتول الضغايم مرضعنه
شگول بحگ كفيلي مرضعنه
اخوي وياه ظل عتاب اليه
____________________________
الشاعر:-هادي القصاب النجفي
___________________________
تعليقات: 0
إرسال تعليق